ತಿಂಗಳ ಕವಿತೆಯಲ್ಲಿ " ಗುಜರಿ ಹುಡುಗಿ"

ಗುಜರಿ ಹುಡುಗಿ

ಘೋರಿಯ ಮೇಲೊಂದು ಈಚಲ ಗಿಡ 
ನಾನೆ ನೀರು ಹಾಕಿ ಬೆಳೆಸಿದ್ದು,
ಬುಡದಲ್ಲಿದ್ದ ಅದ್ಯಾರದೋ ಹೆಣ
ಗೊಬ್ಬರವಾಗಿತ್ತು.
ಗೊತ್ತಿಲ್ಲ, ಮತ್ತೆ ಮತ್ತೆ ಅದೇ ಈಚಲ ಗಿಡದ  ಬುಡಕ್ಕೆ 
ಮೈ ಆನಿಸಿಕೊಂಡು ಒರಗುತ್ತೇನೆ.
ಬುದ್ದ ನ ನೆನಪಿನಲ್ಲಿ. 

ಗೋಣಿ ತಾಟಿನೊಳಕ್ಕೆ ಕೈ-ಕಾಲು ತುರುಕಿಕೊಂಡು 
ಅದೇ ನೀಳ ಹಾಸುಗಲ್ಲಿನ ಘೋರಿಯ ಮೇಲೆ 
'ಹಸಿವು' -'ಕಾಲ'ವನ್ನು ತಬ್ಬಿಕೊಂಡು ಮಲಗಿದ್ದೆ
ಒಂದು ದಿನವೂ ಹೆಣಗಳು ಕನಸಿಗೆ ಬರಲಿಲ್ಲ 
ಯಾವ ಸೈತಾನ್ಗಳು ನನ್ನ ಎಬ್ಬಿಸಿ ಬೆಚ್ಚಿಬೀಳಿಸಲಿಲ್ಲ
ಈ ಖಬರ್ರಸ್ಥಾನ್ ಗೆ ನಾನೆ ಸಾರೇ ದಿನ್ ಕಾ ಸುಲ್ತಾನ್

ಅಲ್ಲೆ, ಈಚಲ ಗಿಡಕ್ಕೆ  ತಟ್ಟಿ ಕಟ್ಟಿಕೊಂಡು 
ತಕ್ಕಡಿ ತೂಗಿದ್ದ ಗುಜರಿ
ಗುಜರಿ ಸಾಹುಕಾರನ ಎದೆಗೆ 'ನೂರಿ' (ನೂರ್ಜಹಾನ್) 
ಪ್ರೀತಿಯ ಬೀಜ ಭಿತ್ತಿದ ಜಾಗ 
ಈಚಲು ಮರದಲ್ಲಿ ಈಚಾಗಿ, ಹೂವಾಗಿ, ಕಾಯಾಗಿ, 
ಹಣ್ಣ ಗೊಂಚಲು ತೂಗುತ್ತಿತ್ತು.
ಚೆಗೆವಾರ ನ ಬಂದೂಕಿನ ಮೊನೆಯ ಗುಲಾಬಿ ಹೊವಂತೆ.!!!!!!

ಕಾಫೀರರ ಹುಡುಗಿ 'ನೂರಿ' 
ಹೆಗಲ ಮೇಲೊಂದು ಗೋಣಿ ಚೀಲ
ಊರ ಕಸವೆಲ್ಲಾ ಅದರೊಳಗೆ  
ಬರಿಗಾಲ ಸ್ನಿಗ್ದ ಸುಂದರಿ ಕಣ್ತುಂಬ ಕನಸಿನ ಕುಸರಿ

ಪ್ರೇಮ್ ರೋಗ್ ಪಿಚ್ಚರಿನ ಬೆಚ್ಚನೆಯ ಹಾಡುಗಳು
ಅವರದ್ದು, ಗದ್ದರ್ ರ 'ಲಾಲ್ ಸಲಾಂ'
ಸಿದ್ದಗಲಿಂಗಯ್ಯರ 'ಮೆರವಣಿಗೆ' ಯ ಪದ್ಯಗಳು ನನ್ನವು
ದಗರ್ಾ, ಮಾರಿಗುಡಿಗೆ   ಅವರಿಟ್ಟ ಮೊರೆ,ಕಟ್ಟಿದ ಮುಡುಪು,
ಮಸಣದ ಪಾಲು
ಯಾವ ಮಸೀದಿಯ ಬುರುಜುಗಳ ಮೇಲೂ 
ಗುಜರಿ ಹುಡುಗಿಯ ಪ್ರೀತಿ ನಿಲ್ಲಲ್ಲಿ 
ಇತಿಹಾಸ ವಿರಲಿ, ವರ್ತಮಾನದಲ್ಲೂ........
ಅವಳು ಕೆರೆ ಅಂಗಳದ ಜೋಪಡಿಯ ಕುಸುಮಬಾಲೆ

ಈಚಲ ಮರ ಎತ್ತರಕ್ಕೆ ಬೆಳೆದಿದೆ...ಮಾಗಿದೆ 
ಜೊತೆ ಜೊತೆಗೆ ನೀಲಗಿರಿ ತೋಪು ಮೈನೆರೆದು ಮೈತುಂಬಿಕೊಂಡಿವೆ
ಘೋರಿಯನ್ನೆಲ್ಲಾ ಮೈದಡವಿ ಮುದ್ದಿಸಿದೆ
ಎಂದೋ ಮಣ್ಣಾಗಿರುವ ಗೋಣಿ ತಾಟಿಗೆ ತಡಕಾಡಿದೆ....
ಈಚಲ ಮರವನ್ನು ಬಳಸಿ ತಬ್ಬಿಕೊಂಡೆ 
ಕಥೆ ಕೇಳಿದ ಭಾಸ............ಸಸಸ
ಬುದ್ದನ, ಷೇಕ್ಸ್ಪೀಯರ್ನ, ತಾಜ್ ಕಟ್ಟಿದ ದೊರೆಯ ..ನೂರಿಯ......!

ಅದೊಂದು ದಿನ,
ಕಸದ ರಾಶಿಯ ನಡುವೆ ಕಂಡಂಗಾಯ್ತು
ಹೆಗಲ ಮೇಲೆ ಅದೇ ಹಳೆಯ ಗೋಣಿ ಚೀಲವಿತ್ತು
ಅದರಲ್ಲಿ ಊರ ಕಸವಿತ್ತು
ಅವಳ ಕಣ್ಣ ಪಾಪೆಯಲ್ಲಿ ತಾಜ್ ಕುಸಿದ ಅವಶೇಷವಿತ್ತು 
ಹಾ...!  ಅವಳೆ ಅನಾರ್ಕಲಿ...,
ಪ್ರೇಮ್ರೋಗ್ ಪಿಚ್ಚರಿನ ಮನೋರಮಾ! 
ಪಕ್ಕದಲ್ಲೆ  ಗುಜರಿ ಸಾಹುಕಾರನ 
ಕಾರು ಧೂಳೆಬ್ಬಿಸಿಕೊಂಡು ಹೋದಂತಾಯಿತು
ಅದೇ ಬುರುಜಿನ ಮೇಲೆ ಅಜಃ ಕೊಗುತ್ತಿತ್ತು
ದೂರದಿಂದೆಲ್ಲೂ ಹಾಡು ಕೇಳುತ್ತಿತ್ತು......
'ಮುಜೇ ತೇರಿ ಮೊಹಬತ್ ಕಾ ಸಹರಾ 
ಮಿಲ್ ಗಯಾ ಹೋತಾ.......:
..............................................................
.........................ಕವಿ................................
    -ಎನ್ .ರವಿಕುಮಾರ್, ಶಿವಮೊಗ್ಗ 
ಪತ್ರಕರ್ತರು, ತಿಲಕ್ ನಗರ 2ನೇ ತಿರುವು
'ಪರಮಹಂಸ' ನಿಲಯ, ಶಿವಮೊಗ್ಗ, 9008034597
...............................................................

ಮಲೆನಾಡ ಸ್ವಾತಿ ಮುತ್ತು : ವಿದೇಶದಲ್ಲೂ ಮಿಂಚಿದ ಗ್ರಾಮೀಣ ಅಥ್ಲೆಟಿಕ್ ಪ್ರತಿಭೆ

ಗ್ರಾಮೀಣ ಭಾಗದ ಅಥ್ಲೆಟಿಕ್ ಪ್ರತಿಭೆ ಕಿರುಗುಳಿಗೆ ಸ್ವಾತಿ

   ಇತ್ತೀಚೆಗೆ  ಹರ್ಯಾಣದ  ರೋಹಟಕ್ನಲ್ಲಿ  ನಡೆದ  35 ನೇ  ರಾಷ್ಟ್ರೀಯ  ಅಥ್ಲೆಟಿಕ್ ಚಾಂಪಿಯನ್ಶಿಪ್ 2015  ರ  40 ವರ್ಷ  ವಯೋಮಿತಿಯ  ಕ್ರೀಡಾಕೂಟದಲ್ಲಿ   ಹ್ಯಾಮರ್ ಥ್ರೋ,  ಡಿಸ್ಕಸ್  ಥ್ರೋ,  ಷಾಟ್ಫುಟ್ ಎಸೆತದಲ್ಲಿ  ಪ್ರಥಮ ಸ್ಥಾನವನ್ನು , ಜಾವೆಲಿನ್ ಎಸೆತದಲ್ಲಿ  ತೃತೀಯ  ಸ್ಥಾನವನ್ನು  ಪಡೆದು  ನಮ್ಮ ರಾಜ್ಯಕ್ಕೆ  ಕೀರ್ತಿ ತಂದ  ಶ್ರೀಮತಿ  ಸ್ವಾತಿ ಕೆ. ಆರ್. ರವರು  ಹೊಸನಗರ ತಾಲ್ಲೂಕಿನ  ನಗರ ಹೋಬಳಿ  ಕಿರುಗುಳಿಗೆ ಗ್ರಾಮದವರು. ಎನ್ನಲು ಹೆಮ್ಮೆ ಎನಿಸುತ್ತದೆ.
ನಗರದ ಹೆಮ್ಮೆ:
ಮೂಲತಃ  ನಗರ  ಹೋಬಳಿ  ನಿಲ್ಸ್ ಕಲ್ ನವರಾದ ಇವರು  ಮುಳುಗಡೆಯ  ನಂತರ  ಹುಂಚದ ಹತ್ತಿರದ  ಹೊನ್ನೇಬೈಲ್ ನಲ್ಲಿ  ವಾಸವಾಗಿದ್ದು,  ಪ್ರಾಥಮಿಕ  ಶಿಕ್ಷಣವನ್ನು  ಬಿಲ್ಲೇಶ್ವರದಲ್ಲಿಯೂ ಪ್ರೌಢ ಶಿಕ್ಷಣವನ್ನು  ಹುಂಚದಲ್ಲೂ  ಪೂರೈಸಿದರು. ಬಾಲ್ಯದಿಂದಲೇ  ಆಟೋಟಗಳಲ್ಲಿ  ಆಸಕ್ತಿಯಿದ್ದ  ಇವರು  ಶಾಲಾ  ಕ್ರೀಡಾಕೂಟಗಳಲ್ಲಿ  ಪ್ರತಿ ವರ್ಷವೂ ಭಾಗವಹಿಸಿ,  ಜಿಲ್ಲಾ  ಮಟ್ಟ  ಹಾಗೂ  ರಾಜ್ಯ ಮಟ್ಟದವರೆಗೂ  ಹೋಗಿ  ಪದಕಗಳನ್ನು  ಪಡೆದಿರುತ್ತಾರೆ.  ಪ್ರೌಢ ಶಿಕ್ಷಣದಲ್ಲಿಯೇ  ವಿದ್ಯಾಭ್ಯಾಸವನ್ನು  ಮುಕ್ತಾಯ ಮಾಡಿದ  ಸ್ವಾತಿಯವರು  ನಂತರ ಊರಿನಲ್ಲಿಯೇ  ಗ್ರಾಮೀಣ ಹಾಗೂ  ದಸರಾ  ಕ್ರೀಡಾಕೂಟಗಳಲ್ಲಿ  ಭಾಗವಹಿಸಿ, ಪ್ರತಿ ವರ್ಷವೂ ಸ್ಟೇಟ್ ಲವೆಲ್  ಚಾಂಪಿಯನ್ ಶಿಪ್  ಆಗಿ ಹೊರಹೊಮ್ಮಿದ್ದರು.
1995 ರಲ್ಲಿ  ಕಿರುಗುಳಿಗೆಯ  ಕೆ. ಎಸ್. ರವಿಯವರನ್ನು  ವಿವಾಹವಾಗಿ ಸಾಂಸಾರಿಕ  ಜೀವನಕ್ಕೆ  ಆದ್ಯತೆ ನೀಡಿ, ಸುಮಾರು  17 ವರ್ಷಗಳ ಕಾಲ  ಆಟ ಆಡುವ  ಅವಕಾಶದಿಂದ  ದೂರವುಳಿದಿದ್ದರು. ಪತಿ  ಕೆ. ಎಸ್. ರವಿಯವರೂ ಕೂಡಾ  ಉತ್ತಮ  ಕ್ರೀಡಾ ಪಟುವಾಗಿದ್ದು , ನಿರಂತರ  ಪ್ರೋತ್ಸಾಹ  ಹಾಗೂ  ಒತ್ತಾಸೆಯ ಮೇರೆಗೆ  ಪುನಃ  ಗ್ರಾಮೀಣ ಹಾಗೂ ಇತರೆ  ಕ್ರೀಡಾಕೂಟಗಳಲ್ಲಿ  ಭಾಗವಹಿಸಿ, ಈಗ್ಗೆ  4  ವರ್ಷಗಳಿಂದ ಸತತವಾಗಿ ದಸರಾ  ಕ್ರೀಡಾಕೂಟದ ಸ್ಟೇಟ್ ಲೆವೆಲ್  ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ವಿದೇಶದಲ್ಲೂ ಸಾಧನೆ:
ಮಂಗಳೂರಿನಲ್ಲಿ  ರಾಷ್ಟ್ರಮಟ್ಟದಲ್ಲಿ  ನಡೆಸಿದ  30 ವರ್ಷ ಮೇಲ್ಪಟ್ಟ  ಮಹಿಳೆಯರ  ಮಾಸ್ಟರ್ಸ್  ಅಥ್ಲೆಟಿಕ್ಸ್ ನಲ್ಲಿ  ಭಾಗವಹಿಸಿ, ಶಾಟ್ ಫುಟ್, ಡಿಸ್ಕಸ್ ಥ್ರೋ, ಜಾವೆಲಿನ್ ಎಸೆತದಲ್ಲಿ  ಪ್ರಥಮ ಬಹುಮಾನ ಗಳಿಸಿ ಅಂತಾರಾಷ್ಟ್ರೀಯ ಮಟ್ಟಕ್ಕೆ ಆಯ್ಕೆಯಾದರು.   ನಂತರ  ಕಳೆದ  ಅಕ್ಟೋಬರ್ನಲ್ಲಿ  ಶ್ರೀಲಂಕಾದಲ್ಲಿ  ನಡೆದ  ಇಂಟರ್ ನ್ಯಾಶನಲ್ ಮಾಸ್ಟರ್ಸ್ ಅಥ್ಲೆಟಿಕ್ಸ್  ಕ್ರೀಡಾಕೂಟದಲ್ಲಿ ನಮ್ಮ  ದೇಶದ  ಪ್ರತಿನಿಧಿಯಾಗಿ  ಭಾಗವಹಿಸಿ, ಶಾಟ್ ಪುಟ್ ಪ್ರಥಮ, ಡಿಸ್ಕಸ್ ಥ್ರೋ ದ್ವಿತೀಯ, ಜಾವೆಲಿನ್ ಎಸೆತದಲ್ಲಿ  ತೃತೀಯ ಸ್ಥಾನವನ್ನು  ಪಡೆದು  ದೇಶಕ್ಕೆ ಕೀರ್ತಿ  ತಂದಿರುತ್ತಾರೆ.  ಶಾಟ್ ಪುಟ್ ನಲ್ಲಿ  ಹಳೆಯ ದಾಖಲೆಯಾದ  7.70ಮೀ. ಇದ್ದುದನ್ನು  ಮುರಿದು  8.65ಮೀ. ಎಸೆದು ತಮ್ಮ  ಹೆಸರಿನಲ್ಲಿ ಹೊಸ ದಾಖಲೆ ಬರೆದು ಗಮನಸೆಳೆದಿದ್ದಾರೆ.
ಯಾವುದೇ  ವಿಶೇಷ  ತರಬೇತಿ  ಇಲ್ಲದೇ  ಸ್ವತಃ  ತಾವೇ  ಅಭ್ಯಾಸ  ಮಾಡಿ,  ತನ್ನ  ಸ್ವಂತ  ಪರಿಶ್ರಮ, ಗುರಿಯೆಡೆಗಿನ  ಲಕ್ಷ್ಯ  ಹಾಗೂ  ವಿಶೇಷವಾಗಿ  ಪತಿಯ  ಪ್ರೋತ್ಸಾಹ,  ಮಕ್ಕಳಲ್ಲಿರುವ  ಕ್ರೀಡಾ ಆಸಕ್ತಿ  ಇವುಗಳಿಂದಲೇ  ತನ್ನೊಳಗಿರುವ ಕ್ರೀಡಾ  ಪ್ರತಿಭೆಯನ್ನು  ಪ್ರದರ್ಶಿಸಿ,  ಗ್ರಾಮ ಮಟ್ಟದಿಂದ  ರಾಷ್ಟ್ರ ಮಟ್ಟದವರೆಗೂ  ಕೀರ್ತಿ ತಂದಿರುತ್ತಾರೆ.  ಸಂಸಾರ, ಮನೆ,  ಮಕ್ಕಳು, ಕೃಷಿ  ಚಟುವಟಿಕೆ ಇತ್ಯಾದಿಗಳನ್ನು  ನಿರ್ಲಕ್ಷಿಸದೇ, ಇವುಗಳಲ್ಲಿ  ತನ್ನನ್ನು ತಾನು ಸಮರ್ಪಿಸಿಕೊಂಡು ಜೊತೆಗೆ  ಸಾಧನೆಯನ್ನು  ಮಾಡಿದ  ಮೇರು  ವ್ಯಕ್ತಿತ್ವ  ಸ್ವಾತಿಯವರದು.
ಅಭಿನಂದನೆ:
ಇನ್ನು ಮುಂದೆಯೂ ಕ್ರೀಡಾ ಕ್ಷೇತ್ರದಲ್ಲಿ  ಒಳ್ಳೆಯ  ಅವಕಾಶಗಳು  ಸಿಗಲಿ ಹಾಗೂ  ಇನ್ನೂ  ಹೆಚ್ಚಿನ ಸಾಧನೆ ಮಾಡಲಿ  ಎಂದು  ಕನ್ನಡ ಸಾಹಿತ್ಯ ಪರಿಷತ್, ನಗರ ಹೋಬಳಿ ಘಟಕ,  ಪಂಚಮುಖಿ ಬ್ಯಾಡ್ಮಿಂಟನ್ ಕ್ಲಬ್, ನಗರ, ಸರ್ವಸಿದ್ಧಿ ಸ್ವಸಹಾಯ  ಸಂಘ, ಶ್ರೀ  ವಿಘ್ನೇಶ್ವರ ಸಾವಯವ ಸ್ವಸಹಾಯ ಸಂಘ, ಬ್ರಾಹ್ಮಣತರುವೆ ಹಾಗೂ  ಇತರ  ಸಂಘ ಸಂಸ್ಥೆಗಳು  ಅಭಿನಂದನೆ ಸಲ್ಲಿಸಿವೆ.
..............................................................
ಬರೆದವರು
ವಸುಧಾ ಡಾ.ಚೈತನ್ಯ
ಉಪನ್ಯಾಸಕರು
ಕೊಡಚಾದ್ರಿ ಕಾಲೇಜು ಹೊಸನಗರ
.............................................................

ಅವಳೀ... ಸಾಧನೆ

ಅಕ್ಷತಾ ಮತ್ತು ಅರ್ಪಿತಾ ಕಾಡವಳ್ಳಿ

ಹೊಸನಗರ ಪಟ್ಟಣದ ಹೋಲಿ ರಿಡೀಮರ್ ಶಾಲೆಯ ವಿದ್ಯಾರ್ಥಿನಿಯರಾದ ಕಾ
ಡವಳ್ಳಿ ಸುಬ್ರಹ್ಮಣ್ಯರವರ ಅವಳಿ ಮಕ್ಕಳಾದ ಅಕ್ಷತಾ ಮತ್ತು ಅರ್ಪಿತಾ ಎಸ್ಎಸ್ಎಲ್ಸಿಯಲ್ಲಿ ಕ್ರಮವಾಗಿ 571 ಅಂಕ, 549 ಅಂಕ ಗಳಿಸಿ ಗಮನಸೆಳೆದಿದ್ದಾರೆ.
ವಿದ್ಯಾರ್ಥಿಗಳ ಸಾಧನೆಗೆ ಶಿಕ್ಷಣಾಧಿಕಾರಿ, ಹೋಲಿ ರಿಡೀಮರ್ ಶಾಲೆಯ ವ್ಯವಸ್ಥಾಪಕರು ಅಭಿನಂದನೆ ಸಲ್ಲಿಸಿದ್ದಾರೆ.

ಹತ್ತಿರ.. ಹತ್ತಿರ.. ನೂರರ ಸಾಧನೆ : ಸರ್ಕಾರಿ ಬಡಶಾಲೆಯೊಂದರ ಸಾಹಸಗಾಥೆ

ಸರ್ಕಾರಿ ಶಾಲೆಗಳೆಂದರೆ ಅಲರ್ಜಿ ಎಂಬಂತ ವಾತಾವರಣದಲ್ಲಿ ಎಸ್ಎಸ್ಎಲ್ಸಿ ಪಲಿತಾಂಶದಲ್ಲಿ ಕೇವಲ ಶೆ.20, 30 ಪಲಿತಾಂಶಕ್ಕೆ ಮೀಸಲಾಗಿದ್ದ ಇಲ್ಲಿಯ ಸರ್ಕಾರಿ ಶಾಲೆಯೊಂದು ಈ ಬಾರಿ ಹತ್ತಿರ.. ಹತ್ತಿರ.. ಶೇ.100 ಸಾಧನೆ ಮಾಡಿ ಗಮನ ಸೆಳೆದಿದೆ.
ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲೂಕಿನ ನಗರ ಚಿಕ್ಕಪೇಟೆ ಸರ್ಕಾರಿ ಪ್ರೌಢಶಾಲೆಯೊಂದರ ಹಿರಿಮೆ ಇದು.

ನಗರ ಚಿಕ್ಕಪೇಟೆ ಸರ್ಕಾರಿ ಪ್ರೌಢಶಾಲೆ

ನಗರದಲ್ಲಿ ಸರ್ಕಾರಿ ಪ್ರೌಢಶಾಲೆ ಪ್ರಾರಂಭಗೊಂಡು ದಶಕವೇ ಕಳೆದಿದೆ. ಖಾಸಗಿ ಶಾಲೆಯ ಅಬ್ಬರದ ನಡುವೆ ಅಳಿದುಳಿದ ಮಕ್ಕಳೇ ತುಂಬಿರುವ ಶೈಕ್ಷಣಿಕವಾಗಿ ಬಡಶಾಲೆ.
ಮೂಲಮೂತ ಸೌಕರ್ಯಗಳ ಕೊರತೆ, ಉತ್ತಮ ವಾತಾವರಣದ ಅಲಭ್ಯತೆಯ ಕಾರಣ ಪ್ರತಿವರ್ಷ 25, 30, 40 ಹೀಗೆ ಶೇಕಡವಾರು ಅಲ್ಪ ಪಲಿತಾಂಶದ ಶಾಲೆಯಾಗಿ ಕೆಟ್ಟ ಹೆಸರು ಪಡೆದುಕೊಂಡಿತ್ತು. ಸುಮ್ಮನೆ ಮನೆಯಲ್ಲಿ ಇರಬೇಕಲ್ಲ ಎನ್ನುವವರು ಮಾತ್ರ ಈ ಶಾಲೆಗೆ ಮಕ್ಕಳನ್ನು ಕಳುಹಿಸುತ್ತಿದ್ದ ಕಾರಣ ಉತ್ತಮ ಪಲಿತಾಂಶ ತರುವುದು ಶಿಕ್ಷಕರಿಗೂ ಒಂದು ಸವಾಲಾಗಿ ಪರಿಣಮಿಸಿತ್ತು.
ಮುಖ್ಯಶಿಕ್ಷಕರು ಬಂದರು:
ಆದರೆ ಸದರಿ ಶಾಲೆಗೆ ವರ್ಷದ ಹಿಂದೆ ಕ್ರಿಯಾಶೀಲ ಯುವಕ ಹನುಮಂತಪ್ಪ ಮುಖ್ಯಶಿಕ್ಷಕರಾಗಿ ಬಂದ ಮೇಲೆ ಒಂದಷ್ಟು ಬದಲಾವಣೆ ಕಾಣುವ ಭರವಸೆ ವ್ಯಕ್ತವಾಯಿತು. ಅದರ ಜೊತೆಜೊತೆಗೆ ಮೊನ್ನೆ ಮೊನ್ನೆ ತಾನೆ ಉದಯಿಸಿದ ಸಿ.ಅಜೇಯ್ ಅಧ್ಯಕ್ಷತೆಯ ಬಿದನೂರು ಸಾಂಸ್ಕೃತಿಕ ವೇದಿಕೆ ಶಾಲೆಯ ಬೆಳವಣಿಗೆ ಬಗ್ಗೆ ಗಮನ ಹರಿಸಿದ್ದು ಬದಲಾವಣೆಗೆ ಇನ್ನಷ್ಟು ಒತ್ತು ನೀಡಿದಂತಾಯಿತು.

ನಗರ ಚಿಕ್ಕಪೇಟೆ ಸರ್ಕಲ್ ನಲ್ಲಿ ಜನರಿಂದ ಸಂಭ್ರಮಾಚರಣೆ

ಪಲಿತಾಂಶ ಯಾಕೆ ಕಡಿಮೆ ಮತ್ತು ಯಾವ ವಿಷಯದಲ್ಲಿ ಮಕ್ಕಳು ಗೊಂದಲದಲ್ಲಿದ್ದಾರೆ ಎಂದು ಮುಖ್ಯಶಿಕ್ಷಕರೊಂದಿಗೆ ಸಮಾಲೋಚನೆ ನಡೆಸಿದಾಗ ಗೊತ್ತಾಗಿದ್ದು ಗಣಿತ, ವಿಜ್ಞಾನ ಮತ್ತು ಇಂಗ್ಲೀಷ್ ಇಲ್ಲಿಯ ಮಕ್ಕಳ ಪಾಲಿಗೆ ಕಷ್ಟ..ಕಷ್ಟ..
ಸ್ಮಾರ್ಟ್ ಕ್ಲಾಸ್:
ಉಡುಪಿ ಸ್ಪಂದನ ವಾಹಿನಿಯ ಜನಪ್ರೀಯ ಸ್ಮಾರ್ಟ್ ಕ್ಲಾಸ್ ಇಲ್ಲಿ ಅನುಷ್ಠಾನಗೊಂಡರೆ ಉಪಯೋಗ ಆಗಬಹುದು ಎಂಬ ಆಲೋಚನೆಯಲ್ಲಿ ಸಿ.ಅಜೇಯ್ ಹನುಮಾನ್ ಸಮೂಹ ಸಂಸ್ಥೆಯ ಮುಖ್ಯಸ್ಥ ವಿಲಾಸ್ ನಾಯಕ್ ರೊಂದಿಗೆ ಸಮಾಲೋಚಿಸಿ ಅವರ ಕೊಡುಗೆಯೊಂದಿಗೆ ಸ್ಮಾರ್ಟ್ ಕ್ಲಾಸ್ ಆರಂಭಗೊಂಡಿತು. ಇದಕ್ಕೆ ಪೂರಕವಾಗಿ ಸಿ.ಅಜೇಯ್ ಸಹೋದರ ಸಿ.ಕೃಷ್ಣ ಕಾಮತ್ ಟಿವಿಯನ್ನು ಕೊಡುಗೆಯಾಗಿ ನೀಡಿದರು.
ಅಲ್ಲಿಂದ ಮಕ್ಕಳ ಆತ್ಮವಿಶ್ವಾಸ ಚಿಗುರೊಡೆಯಿತು. ಮುಖ್ಯ ಶಿಕ್ಷಕ ಹನುಮಂತಪ್ಪ ಸೇರಿದಂತೆ ಶಿಕ್ಷಕ ಸಿಬ್ಬಂದಿಗಳು ಹೊಸದೊಂದು ಸಾಧನೆಗೆ ಮುನ್ನುಡಿ ಬರೆಯಲು ಸಿದ್ದರಾಗಿಯೇ ಬಿಟ್ಟರು.
ಶೇ.ಹತ್ತಿಪ್ಪತ್ತು ಪಲಿತಾಂಶದೊಂದಿಗೆ ಸದಾ ಟೀಕೆಗೆ ಗುರಿಯಾಗುತ್ತಿದ್ದ ಸದರಿ ಶಾಲೆ ಈ ಬಾರಿಯ ಪಲಿತಾಂಶದಲ್ಲಿ ಗಣನೀಯ ಸಾಧನೆ ತೋರಬಹುದು ಎಂಬ ವಾತಾವರಣ ನಿರ್ಮಾಣ ವಾಗಿತ್ತು.

ಅಭಿನಂದನೆಗೆ ಅರ್ಹರಾದ ವಿದ್ಯಾರ್ಥಿಗಳೊಂದಿಗೆ ಶಿಕ್ಷಕರು

ಬಂದೇ ಬಿಟ್ಟಿತು:
ವೆಬ್ಸೈಟ್ ಪಲಿತಾಂಶದಲ್ಲಿ ಒಬ್ಬಬ್ಬ ವಿದ್ಯಾರ್ಥಿಯ ಪ್ರಗತಿ ನೋಡುತ್ತ ಹೋದಂತೆ ಅಂದುಕೊಂಡಿದ್ದು ನಿಜವಾಯ್ತು. ಆದರೆ ಬ್ಯಾಡ್ಲಕ್ ಎಂದರೆ ಶಾಲೆ ಬಿಟ್ಟಿದ್ದ ವಿದ್ಯಾರ್ಥಿ ಯೋರ್ವನನ್ನು ಹರಸಾಹಸದೊಂದಿಗೆ ಶೈಕ್ಷಣಿಕ ವರ್ಷ ಮುಕ್ತಾಯ ಸಂದರ್ಭದಲ್ಲಿ ಕರೆತಂದು ಆತನನ್ನು ಪರೀಕ್ಷೆಗೆ ಸಿದ್ದಪಡಿಸಲಾಯಿತು. ಆದರೆ ಆತ ಮಾತ್ರ ಒಂದು ವಿಷಯದಲ್ಲಿ ಹಿಂದುಳಿದ ಕಾರಣ 24 ವಿದ್ಯಾರ್ಥಿಗಳಲ್ಲಿ 23 ವಿದ್ಯಾರ್ಥಿಗಳು ಉತೀರ್ಣರಾಗಿದ್ದರು. ಅದರಲ್ಲಿ 19 ವಿದ್ಯಾರ್ಥಿಗಳು ಪ್ರಥಮದರ್ಜೆಯಲ್ಲಿ ಉತ್ತೀರ್ಣರಾಗಿದ್ದರಲ್ಲದೆ. ಶೇಕಡವಾರು ಅಂಕಸಾಧನೆ 70ಕ್ಕು ಮೀರಿದ್ದು ಹುಬ್ಬೇರಿಸುವಂತೆ ಮಾಡಿದೆ.
ಒಟ್ಟಾರೆ ಕಾರಣಗಳು ಏನೆ ಇರಲಿ ಕಡಿಮೆ ಪಲಿತಾಂಶದಿಂದ ಸದಾ ಟೀಕೆಗೆ ಗುರಿಯಾಗಿದ್ದ ನಗರದ ಸರ್ಕಾರಿ ಪ್ರೌಢಶಾಲೆ ಉತ್ತಮ ಪಲಿತಾಂಶದೊಂದಿಗೆ ತನ್ನ ಕಳಂಕವನ್ನು ತೊಡೆದು ಹಾಕಿ ಮುನ್ನೆಡೆದಿದೆ. ಇನ್ನು ತಿರುಗಿ ನೋಡುವ ಪ್ರಮೇಯ ಬರದಿರಲಿ ಎಂಬುದು ನಮ್ಮ ಆಶಯ
ಇವರೇನಂತಾರೆ.
ಉತ್ತಮ ಸಾಧನೆ
ಕಳಪೆ ಸಾಧನೆಯಲ್ಲಿದ್ದ ಚಿಕ್ಕಪೇಟೆ ಪ್ರೌಢಶಾಲೆ ಉತ್ತಮ ಸಾಧನೆ ಮಾಡಿರುವುದು ಒಳ್ಳೆಯ ಬೆಳವಣಿಗೆ. ಮುಂದಿನ ದಿನದಲ್ಲಿ ಇನ್ನಷ್ಟು ಸಾಧನೆಗೆ ಈ ಪಲಿತಾಂಶ ಮುನ್ನುಡಿ ಬರೆಯಲಿ.
ಕಿಮ್ಮನೆ ರತ್ನಾಕರ್
ಪ್ರಾಥಮಿಕ ಮತ್ತು ಪ್ರೌಢಶಿಕ್ಷಣ ಸಚಿವರು,
..................................................................................

ರಾಮಯ್ಯನವರ ಕನಸು
ಸದರಿ ಉತ್ತಮ ಸಾಧನೆ ಮಾಡಬೇಕೆಂಬುದು ದಿ. ರಾಮಯ್ಯ ನವರ ಕನಸಾಗಿತ್ತು. ಇಂದು ನನಸಾಗಿದೆ. ಹಾಕಿದ ಶ್ರಮಕ್ಕೆ ಪ್ರತಿಫಲ ಸಂದಿದೆ.
ಸಿ.ಅಜೇಯ್ 
ಅಧ್ಯಕ್ಷರು, ಬಿದನೂರು ಸಾಂಸ್ಕೃತಿಕ ವೇದಿಕೆ
.....................................................................................
ನಮ್ಮ ಕನಸು
ಬಡರೈತ ಕೂಲಿಕಾಮರ್ಿಕ ಮಕ್ಕಳೇ ಹೆಚ್ಚು ಬರುತ್ತಿದ್ದ ಸದರಿ ಶಾಲೆ ಉತ್ತಮ ಸಾಧನೆ ಮಾಡಬೇಕು ಎಂಬುದು ನಮ್ಮದು ಬಹುದಿನದ ಕನಸು. ಅದು ಈಡೇರಿದೆ. ಇದಕ್ಕೆ ಶ್ರಮಿಸಿದ ಎಲ್ಲರು ಅಭಿನಂದನಾರ್ಹರು.
ನಮ್ಮೂರು ರಾಜಶೇಖರ್,
 ನಮ್ಮೂರು ಫೌಂಡೇಶನ್
.....................................................................................
ಸಹಕಾರದಿಂದ ಸಾಧನೆ
ಬಿದನೂರು ಸಾಂಸ್ಕೃತಿಕ ವೇದಿಕೆ ಅಳವಡಿಸಿದ ಸ್ಮಾಟರ್್ಕ್ಲಾಸ್ ಉತ್ತಮ ಫಲನೀಡಿತು. ವಿದ್ಯಾಥರ್ಿಗಳ ಉತ್ಸಾಹ, ಶಿಕ್ಷಕರ ದಣಿವರಿಯದ ಸೇವೆ ಮತ್ತು ಊರಿನವರ ಸ್ಪಂದನೆ ಉತ್ತಮ ಸಾಧನೆಗೆ ಸಾಧ್ಯವಾಗಿದ್ದು ಎಲ್ಲರಿಗೂ ಕೃತಜ್ಞತೆಗಳು
ಹನುಮಂತಪ್ಪ,
 ಮುಖ್ಯಶಿಕ್ಷಕರು
....................................................................................

ಟೆಲೆಕ್ಸ್ ಎಂಬ ಕಷ್ಟ ಕುಲದ ಹಾದಿ

ಎನ್.ರವಿಕುಮಾರ್, ಟೆಲೆಕ್ಸ್

ಜೋರು ಧನಿಯ ಚೂಪಾದ ಮಾತಿನ ಕಷ್ಟ ಉಂಡ ಕಣ್ಣುಗಳ ಮಧುರ ಗೆಳೆಯನೀತ
'ಬಹಿಷ್ಕೃತ ಭಾರತ' ಪತ್ರಿಕೆ ಆರಂಭಿಸಿದಾಗ ಅಂಬೇಡ್ಕರ್ ಹೇಳಿದ ಮಾತು- 'ಪತ್ರಿಕೋದ್ಯಮ ದೇಶದ ನಾಲ್ಕನೆಯ ಅಂಗ. ಅದಕ್ಕಿರುವ ಪ್ರಬಲ ಶಕ್ತಿ ಶಾಸಕಾಂಗ, ನ್ಯಾಯಾಂಗ ಹಾಗೂ ಕಾರ್ಯಾಂಗಗಳನ್ನೂ ಕಣ್ಗಾವಲಿಟ್ಟು ಕೆಲಸ ನಿರ್ವಹಿಸುವುದು. ದುರಂತವೆಂದರೆ ಈ ದೇಶದ ಮುಖ್ಯವಾದ ಮೂರು ಅಂಗಗಳಲ್ಲಿ ದಲಿತರ, ದಮನಿತರ, ತಬ್ಬಲಿಗಳ ಪ್ರವೇಶವನ್ನು ತಾರತಮ್ಯದಿಂದ ನಿಯಂತ್ರಿಸಲಾಗಿದೆ.


ಅದಕ್ಕಾಗಿ ಈ ದೇಶದ ದಲಿತರು ಪತ್ರಿಕೋದ್ಯಮಕ್ಕೆ ಬರಬೇಕೆಂದು' ಕರೆನೀಡುತ್ತಾರೆ.
ಆದರೆ ಸ್ವಾತಂತ್ರ್ಯವೆಂಬ ರಾಜಕೀಯ ಹಸ್ತಾಂತರವಾಗಿ ಏಳು ದಶಕಗಳು ಸಂದರೂ ಎಲ್ಲ ಕ್ಷೇತ್ರಗಳಂತೆ ಪತ್ರಿಕೋದ್ಯಮ ಕೂಡ ಇನ್ನೂ ಪಟ್ಟಭದ್ರ ಹಿತಾಸಕ್ತರ ಕಪಿಮುಷ್ಟಿಯಲ್ಲೇ ಇದೆ. ಇಂತಹ ಕಷ್ಟದ ಹಾದಿಯನ್ನು ತುಳಿದು ಯಶಸ್ವಿಯಾದವರು ಕಡಿಮೆ.
ಆದರೆ ಗೆಳೆಯ ಇತ್ತೀಚೆಗೆ ಸರ್ಕಾರ ಕೊಡಮಾಡುವ 'ಮಾಧ್ಯಮ ಪ್ರಶಸ್ತಿ' ಪಡೆದಾಗ ಆ ಪುರಸ್ಕಾರವು ನಮ್ಮದೇ ಎನಿಸುವಷ್ಟು ಆಪ್ತವೆನಿಸಿತು.
ಕೇರಿ-ಹಟ್ಟಿಗಳಲ್ಲಿ ಅಕ್ಷರ ಮತ್ತು ಸ್ವಾಭಿಮಾನದ ಕನಸು ಕಂಡಿದ್ದ ಅಂಬೇಡ್ಕರ್ ಅವರ ಕಂಗಳಲ್ಲಿ ಆನಂದದ ಕಿರುಹನಿ ಕಂಡಂತಾಯಿತು. ನಿಮ್ಮ ಊಹೆ ನಿಜ. ಶಿವಮೊಗ್ಗದಲ್ಲಿ 'ಟೆಲೆಕ್ಸ್ ರವಿ' ಎಂದೇ ಸುಪರಿಚಿತನಾದ ಎನ್. ರವಿಕುಮಾರ್, ಮೂರೂವರೆ ದಶಕದ ಹಿಂದೆ ಮಾದಾರ ಹಟ್ಟಿಯಲ್ಲಿ ಗಂಗಮ್ಮ-ನಾಗಯ್ಯರ ವಂಶದ ಕುಡಿಯಾಗಿ ಹುಟ್ಟಿ, ಕಡು ಕಷ್ಟದ ಕುಲಸಂಬಂಧಿ ಕಾಯಕದಲ್ಲಿ ತಂದೆಗೆ ಸಹಾಯಕನಾಗಿ ದುಡಿಯುತ್ತಲೆ ಪದವಿ ಮುಗಿಸಿ, ಪತ್ರಿಕೋದ್ಯಮಕ್ಕೆ ಬಂದುದೇ ಒಂದು ಕಷ್ಟಕುಲದ ಕಥೆಯಾಗಿದೆ.

ಮಾಧ್ಯಮ ಅಕಾಡೆಮಿ ಗೌರವ

ತನ್ನ ಸುತ್ತಲ ಗೆಳೆಯರೊಡನೆ ಸದಾ ಚೂಪಾದ ಮಾತನಾಡುತ್ತಾ, ಅಧಿಕಾರಿ ಹಾಗೂ ಜನಪ್ರತಿನಿಧಿಗಳ ಜೊತೆ ಕೂಡಾ ಉತ್ತಮ ಸಂಬಂಧವಿಟ್ಟುಕೊಂಡರೂ, ದಮನಿತರ ಬದುಕಿಗೆ ಅವರಿಂದ ತೊಂದರೆಯಾದರೆ ವ್ಯಾಘ್ರನಂತಾಗುವ ಮಿತ್ರ ರವಿ ಸಹನೆ ಮತ್ತು ತಾಳ್ಮೆಯ ಜೊತೆ ತಾಕತ್ತು ಮತ್ತು ಖದರನ್ನು ಒಟ್ಟಿಗೆ ಕಾಪಾಡಿಕೊಂಡಿರುವುದು ತಬ್ಬಲಿ ಜಾತಿಗಳಿಗೆ ಸಹಾಯಕವೇ ಆಗಿದೆ.
ನಾಟಕ, ಸಾಹಿತ್ಯ, ಹಾಗೂ ಸಾಮಾಜಿಕ ಹೋರಾಟಗಳಲ್ಲಿ ತೊಡಗಿಕೊಂಡು ಕಾಲಕಾಲಕ್ಕೆ ಕಷ್ಟಕುಲದ ಕಥೆಗೆ ಅಕ್ಷರ ಹಾಗೂ ಅಭಿನಯ ಮತ್ತು ಹೋರಾಟದ ರೂಪ ನೀಡುವ ರವಿ ಉರಿಯುವ ಸೂರ್ಯನಂತೆ ಇರುತ್ತಲೆ ತಣ್ಣನೆ ಚಂದ್ರನೂ ಆಗಬಲ್ಲ.
ಪಂಚವಟಿ ಕಾಲೋನಿಯ ದಲಿತರ ಸಮಸ್ಯೆ, ಸೂಳೆಬೈಲು, ಬೊಮ್ಮನಕಟ್ಟೆ ಸಾಮಾಜಿಕ ಬಹಿಷ್ಕಾರದಂತಹ ಉರಿವ ದುಃಖಕ್ಕೆ ಮಿತ್ರ ತೊಡಗಿಕೊಂಡ ರೀತಿ ನಿಜಕ್ಕೂ ಪ್ರಶಂಸನೀಯ. ಇಷ್ಟಾಗಿಯೂ ಅದ್ಭುತ ಕವನ ಬರೆಯುತ್ತಲೇ ಈ ನೆಲದ ದಲಿತರ ಆತ್ಮಕಥೆಯ  ತುಣುಕುಗಳನ್ನು ಬಿಚ್ಚಿಡುವ ರವಿ ತನ್ನ ಪದ್ಯಗಳಿಗೆ ರಾಜ್ಯ ಮಟ್ಟದ ದೂ. ನಂ. ಬೆಳಗಲಿ ಸಾಹಿತ್ಯ ಪ್ರಶಸ್ತಿ ಹಾಗೂ ಬಿ.ಎಂ.ಶ್ರೀ ಕಾವ್ಯ ಪ್ರಶಸ್ತಿಯನ್ನು ಪಡೆದಿದ್ದಾರೆ.

ಎಸ್.ಪಿ ರವಿ ಚನ್ನಣ್ಣನವರ್ ರನ್ನು ಗೌರವಿಸುತ್ತಿರುವ ರವಿ ಟೆಲೆಕ್ಸ್

ಪತ್ರಕರ್ತನಾಗಿ ಗಿರಿಧರ ಪ್ರಶಸ್ತಿ(2005) ಪಡೆದಿರುವ ರವಿ, ಭಾರತೀಯ ದಲಿತ ಸಾಹಿತ್ಯ ಅಕಾಡೆಮಿ, ದೆಹಲಿಯಿಂದ ಭಗವಾನ್ ಬುದ್ಧ ಫೆಲೋಶಿಪ್(2011) ಪುರಸ್ಕಾರಕ್ಕೂ ಪಾತ್ರನಾಗಿರುವುದು ಹೆಮ್ಮೆಯ ವಿಚಾರವಾಗಿದೆ. ಬಹಳ ವರ್ಷಗಳ ಕಾಲ ಲಂಕೇಶ್ ಪತ್ರಿಕೆಯ ವರದಿಗಾರನಾಗಿ ತನ್ನ ಹರಿತ ಬರವಣಿಗೆ ಮೂಲಕ ಗಮನ ಸೆಳೆದಿದ್ದ ಈತ ಸ್ವಾಮಿ, ಸಂತ, ಮುಲ್ಲಾ, ಪಾದ್ರಿ ಯಾವ ಯಾರ ಮುಲಾಜಿಗೂ ಒಳಗಾಗದೆ ವರದಿ ಮಾಡಿದ್ದು ನಮ್ಮ ಕಣ್ಣಮುಂದಿದೆ.
ಈ ಎಲ್ಲವುಗಳಿಗೆ ಕಿರೀಟವಿಟ್ಟಂತೆ ಕರ್ನಾಟಕ ಸರ್ಕಾರದಿಂದ ಕೊಡಮಾಡುವ ಪ್ರತಿಷ್ಠಿತ 'ಕರ್ನಾಟಕ ಮಾಧ್ಯಮ ಅಕಾಡೆಮಿ-2014' ಪತ್ರಿಕೋದ್ಯಮದಲ್ಲಿನ ಸಾಧನೆಗೆ ದಕ್ಕಿದ ಪುರಸ್ಕಾರವಾಗಿದೆ. ಗೆಳೆಯ ರವಿ, ತನ್ನ ಇಬ್ಬರು ಕರುಳ ಕುಡಿಗಳಾದ ವರುಣ್ ಮತ್ತು ಆಕಾಶರ ಕಂಗಳಲ್ಲಿ ಹೊಸ ಕನಸು ಬಿತ್ತಲು ಸಂಗಾತಿ ಶಶಿಕಲಾರಿಗೆ ಒಂದಿಷ್ಟು ಹಿತವಾದ ಸಂತಸವಾಗಲು ನಮ್ಮಂತಹ ಎಲ್ಲ ಗೆಳೆಯರಿಗೆ ಪುಳಕಗೊಳ್ಳುವಂತೆ ಈ ಪ್ರಶಸ್ತಿ ದೊರಕಿರುವುದು ಸಂತಸ ಮತ್ತು ಹೆಮ್ಮೆ ತಂದಿದೆ.
ಇಷ್ಟಾಗಿ ಎನ್. ರವಿಕುಮಾರ್, 'ಟೆಲೆಕ್ಸ್ ರವಿ'ಯಾದ ಕಷ್ಟ ಕುಲದ ಕಥೆಯು ಯುವ ಬರಹಗಾರರಿಗೆ, ಹೋರಾಟಗಾರರಿಗೆ, ಪತ್ರಕರ್ತರಿಗೆ, ಸ್ಫೂರ್ತಿ ಆಗಲೆಂದು ಹಾರೈಸುತ್ತಾ, ಮತ್ತೊಮ್ಮೆ ಈ ಮೂಲಕ ನಮ್ಮೆಲ್ಲಾ ಮಿತ್ರರ ಬಳಗದ ವತಿಯಿಂದ ಮಿತ್ರ ರವಿಗೆ ಪ್ರೀತಿಯ... ಪ್ರೀತಿಯ ಅಭಿನಂದನೆಗಳು
.......................................................
ಬರೆದವರು:
ಡಾ.ಕುಂಸಿ ಉಮೇಶ್
ಸದಸ್ಯರು, ಕರ್ನಾಟಕ ಸಾಹಿತ್ಯ ಅಕಾಡೆಮಿ
.........................................................

ಸುಮಾರು ರೂ.20 ಲಕ್ಷ ವೆಚ್ಚದ ಕುಡಿಯುವ ನೀರು ಯೋಜನೆ ನೀರುಪಾಲು : ನೀರಿಲ್ಲದೆ ಪೊಲೀಸರ ಪರದಾಟ

 ಹೊಸನಗರ:ಕುಡಿಯುವ ನೀರಿಗೆ ಹಾಹಾಕಾರ ಎದ್ದ ಹಿನ್ನಲೆಯಲ್ಲಿ ತುತರ್ು ಕಾಮಗಾರಿ ರೂಪದಲ್ಲಿ ಕುಡಿಯುವ ನೀರು ಸರಬರಾಜು ಯೋಜನೆ ಅಡಿ ರು.22 ಲಕ್ಷ ವೆಚ್ಚದಲ್ಲಿ ಕಾಮಗಾರಿ ಎತ್ತುಕೊಂಡಿದ್ದೇನೋ ಸರಿ. ಆದರೆ 4 ವರ್ಷ ಕಳೆದರೂ ನೀರು ಇಲ್ಲ. ಹಾಕಿದ ದುಡ್ಡು ಪೋಲಾಗಿದ್ದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.

ಇದು ತಾಲೂಕಿನ ಮೂಡುಗೊಪ್ಪ ಗ್ರಾಪಂ ವ್ಯಾಪ್ತಿಯ ಚಿಕ್ಕಪೇಟೆ ಪೊಲೀಸ್ ಸ್ಟೇಶನ್ ಗುಡ್ಡದ ಮೇಲೆ ಕೈಗೆತ್ತಿಕೊಳ್ಳಲಾದ ಕಾಮಗಾರಿಯ ದುಸ್ಥಿತಿ. ಚಿಕ್ಕಪೇಟೆ, ಕಾವಡಗೆರೆ, ಗಣಪತಿ ದೇವಸ್ಥಾನದ ರಸ್ತೆ, ಸಕರ್ಾರಿ ಹೈಸ್ಕೂಲು ರಸ್ತೆ, ಶನೇಶ್ವರ ದೇವಸ್ಥಾನದ ವರೆಗಿನ ನಿವಾಸಿಗಳಿಗೆ ಕುಡಿಯುವ ನೀರು ಒದಗಿಸುವ ಸಂಬಂಧ ಕೈಗೊಂಡ ಕಾಮಗಾರಿ ಇದು.
ಮಾಚರ್್, ಏಪ್ರಿಲ್, ಮೇ ಬಂತೆಂದರೆ ನೀರಿಗಾಗಿ ಪರದಾಡುತ್ತಿದ್ದ ಇಲ್ಲಿಯ ನಿವಾಸಿಗಳು ಶಾಶ್ವತ ಯೋಜನೆಗಾಗಿ ಹಲವು ವರ್ಷಗಳಿಂದ ಆಗ್ರಹಿಸುತ್ತಲೆ ಬಂದಿದ್ದರು. ಅವರ ಬೇಡಿಕೆಗೆ ಅಂತು ಯೋಜನೆ ಏನೋ ದಕ್ಕಿತು. ಆದರೆ ನೀರು ಮಾತ್ರ ಬರಲಿಲ್ಲ.
ಯೋಜನೆ ದುಸ್ಥಿತಿ:
ಯೋಜನೆ ಸಂಬಂಧಪಟ್ಟಂತೆ ಪೊಲೀಸ್ ಸ್ಟೇಶನ್ ಪಕ್ಕದಲ್ಲೆ ಶಿಖರಪ್ರಾಯ ಎನ್ನುವಂತೆ ಟ್ಯಾಂಕ್ ನಿಮರ್ಿಸಲಾಗಿದೆ. ಕೆಳಗೆ ಹರಿಯುವ ಹೊಳೆಯ ಆಚೆ ಪಕ್ಕದಲ್ಲಿ ಬೋರ್ ಹೊಡೆಸಲಾಗಿದೆ. ಉದ್ದೇಶಿತ ಭಾಗಗಳಿಗೆ ಪೈಪ್ಲೈನ್ ಕೂಡ ಮಾಡಲಾಗಿದೆ. ಆದರೆ ಪೂತರ್ಿ ಕಳಪೆ, ಬೋರು ತೆಗೆದರು ನೀರು ಬರುವ ಲಕ್ಷಣ ಕಾಣಲಿಲ್ಲ. ತೆಗೆದ ಬೋರಿನ ಪೈಪ್ನ್ನೆ ಕದ್ದು ಸಾಗಿಸಿ, ಬೋರ್ ಹೊಂಡಕ್ಕೆ ಕಲ್ಲುಹಾಕಿ ಮುಚ್ಚಲಾಗಿದ್ದು ಇನ್ನು ಉಪಯೋಗ ಬಾರದ ಸ್ಥಿತಿ ನಿಮರ್ಾಣವಾಗಿದೆ. ಒಟ್ಟಾರೆ ಅವೈಜ್ಞಾನಿಕ ಮತ್ತು ಜನಪ್ರತಿನಿಧಿಗಳು ಮತ್ತು ಅಧಿಕಾರಿಗಳಿಗೆ ಕಮಿಷನ್, ಗುತ್ತಿಗೆದಾರನಿಗೆ ಹಣ ಮಾಡಿಕೊಳ್ಳಲಷ್ಟೆ ಯೋಜನೆ ಸೀಮಿತವಾಗಿದೆ ಎಂದು ಸ್ಥಳೀಯ ನಿವಾಸಿಗಳು ಶಾಪ ಹಾಕುತ್ತಿದ್ದಾರೆ.
ನೀರಿಗಾಗಿ ಹಾಹಾಕಾರ: ಪೊಲೀಸರ ಪರದಾಟ:
ಯೋಜನೆಯ ಉದ್ದೇಶಿತ ಭಾಗಗಳಲ್ಲಿ ನೀರಿಗಾಗಿ ಹಾಹಾಕಾರ ಕಂಡು ಬಂದಿದ್ದು ಪರದಾಡು ಸ್ಥಿತಿ ಹೆಚ್ಚಾಗಿದೆ. ಇನ್ನು ಪಕ್ಕದಲ್ಲೆ ಇರುವ ನಕ್ಸಲ್ ಪೀಡಿತ ಪ್ರದೇಶದ ನಗರ ಪೊಲೀಸ್ ಠಾಣೆಗು ಕೂಡ ನೀರು ಇಲ್ಲ. ಗುಡ್ಡದ ಕೆಳಭಾಗದಿಂದ ಅಳಿದುಳಿದ ನೀರನ್ನು ಹೊತ್ತೊಯ್ಯಬೇಕಾದ ಸ್ಥಿತಿ ತಂದೊಡ್ಡಿದೆ. ಇನ್ನು ಠಾಣೆಯಲ್ಲಿರುವ ಮಹಿಳೆಯರು ತಮ್ಮೆಲ್ಲ ಅಗತ್ಯಗಳಿಗೆ ಬಾಟಲಿಯಲ್ಲಿ ನೀರು ಇಟ್ಟುಕೊಳ್ಳಬೇಕಾದ ಸಂದಿಗ್ಥ ಸ್ಥಿತಿಗೆ ಸಿಲುಕಿದ್ದಾರೆ.
ಇಷ್ಟಾದರೂ ತಲೆಕೆಡಿಸಿಕೊಳ್ಳದ ಜಿಪಂ ಅಧಿಕಾರಿಗಳಾಗಲಿ, ಜನಪ್ರತಿನಿಧಿಗಳಾಗಲಿ ಕತೆ ಹೇಳುತ್ತಿದ್ದಾರೆ ಹೊರತು ಜನರಿಗೆ ನೀರು ಒದಗಿಸುವ ಸಂಬಂಧ 4 ವರ್ಷವಾದರು ಕ್ರಮ ಕೈಗೊಳ್ಳದಿರುವುದು ಸಂಶಯಕ್ಕೆಡೆ ಮಾಡಿಕೊಟ್ಟಿದೆ.
ತನಿಖೆಗೆ ಒಳಪಡಿಸಿ:
ಯೋಜನೆ ಸಂಬಂಧಪಟ್ಟಂತೆ ಬೇಕಾಬಿಟ್ಟಿ ಕಾಮಗಾರಿ ಮಾಡದಿರುವುದು. ಮತ್ತು ಬೋರ್ ಪೈಪ್ ಕದ್ದು ಸಾಗಿಸಲಾಗಿದೆ ಎಂಬ ಸುದ್ದಿ ಹರಿಬಿಟ್ಟಿದ್ದಾರೆ ಈ ಸಂಬಂಧ ಯಾವುದೆ ದೂರು ದಾಖಲಾಗಿಲ್ಲ. ಯೋಜನೆ ಪೂತರ್ಿ ಕಳಪೆಯಾಗಿದ್ದರೂ ಶೇ.80 ರಷ್ಷು ಬಿಲ್ ಪಾವತಿ ಮಾಡಿರುವುದು ಇವೆಲ್ಲ ಅನುಮಾನಕ್ಕೆ ಕಾರಣವಾಗಿದ್ದು ತನಿಖೆಗೆ ಒಳಪಡಿಸುವಂತೆ ಸ್ಥಳೀಯ ಜನಸೇವಕ ಸಂಘಟನೆ ಆಗ್ರಹಿಸಿದೆ.
ಮಳೆಬಂತೆಂದರೆ ಕಾಲುಬುಡದವರಗೆ ಹಿನ್ನೀರು ಹೊದ್ದು ಮಲಗುವ ಇಲ್ಲಿಯ ನಿವಾಸಿಗಳ ಬೇಸಿಗೆ ನೀರಿನ ಹಾಹಾಕಾರಕ್ಕೆ ಮುಕ್ತಿಯೇ ಇಲ್ಲ ಎಂಬಂತಾಗಿದೆ. ಯೋಜನೆ ಏನೋ ಬಂತು ಈಗ ಅದೆ ದೊಡ್ಡ ಸಮಸ್ಯೆಯಾಗಿ ಕುಳಿತಿರುವುದು ಗಾಯದ ಮೇಲೆ ತುಪ್ಪ ಸುರಿದಂತಾಗಿದೆ. ಇನ್ನಾದರು ಅಧಿಕಾರಿಗಳು ಜನಪ್ರತಿನಿಧಿಗಳು ಎಚ್ಚೆತ್ತುಕೊಳ್ಳುತ್ತಾರೋ ಕಾದುನೋಡಬೇಕು.

ಬಿದನೂರು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್ ಆರಂಭ..? ಕಾಲೇಜು ಅಗತ್ಯತೆ ಬಗ್ಗೆ ಮಾಹಿತಿ ಸಂಗ್ರಹಿಸಲು ಅಧಿಕಾರಿಗಳ ಬೇಟಿ

ಬಿದನೂರು: ರಾಜ್ಯದ ಬೆಳಕಾಗಿ ಸುತ್ತಲೂ ಹಿನ್ನೀರು ತುಂಬಿ ಅಭಿವೃದ್ಧಿ ವಂಚಿತವಾಗಿರುವ ನಗರ ಹೋಬಳಿಗೆ ಪ್ರಥಮ ದರ್ಜೆ ಕಾಲೇಜು ಆರಂಭಕ್ಕೆ ನಗರ ಹೋಬಳಿ ಗ್ರಾಮಸ್ಥರು ಒಕ್ಕೊರಲ ಬೇಡಿಕೆ ಇಟ್ಟಿದ್ದಾರೆ.
ಹೋಬಳಿ ಕೇಂದ್ರ ನಗರದಲ್ಲಿ ಪದವಿ ಕಾಲೇಜು ಆರಂಭಕ್ಕೆ ಮುನ್ನ ಪೂರಕ ಸೌಲಭ್ಯಗಳ ಸಂಬಂಧ ಮಾಹಿತಿ ಸಂಗ್ರಹಿಸಿ ಸರ್ಕಾರಕ್ಕೆ ವರದಿ ಸಲ್ಲಿಸಲು ಆಗಮಿಸಿದ ಡಾ.ಪಿ.ಚಂದ್ರಶೇಖರ್ ನೇತೃತ್ವದ ತಂಡದೊಂದಿಗೆ ಅಭಿಪ್ರಾಯ ಹಂಚಿಕೊಂಡ ಗ್ರಾಮಸ್ಥರು ಬಹು ವಿಸ್ತಾರವಾದ ನಗರ ಹೋಬಳಿಗೆ ಪದವಿ ಕಾಲೇಜು ತುರ್ತು ಅಗತ್ಯವಾಗಿದೆ ಎಂದು ಮನವರಿಕೆ ಮಾಡಿದರು.

ಬಿದನೂರು ಕಾಲೇಜ್ ಆರಂಭಕ್ಕೆ ಬಂಡಿಮಠ ಕಟ್ಟಡ ಪರಿಶೀಲನೆ

ಈಗಾಗಲೇ ನಗರ, ಮಾಸ್ತಿಕಟ್ಟೆ, ನಿಟ್ಟೂರು ಭಾಗದಲ್ಲಿ ಪದವಿ ಪೂರ್ವ ಕಾಲೇಜು ಕಾರ್ಯನಿರ್ವಹಿಸುತ್ತಿದ್ದು, ಸುಮಾರು 350ಕ್ಕೆ ಹೆಚ್ಚು ವಿದ್ಯಾರ್ಥಿಗಳು ವ್ಯಾಸಾಂಗ ಮಾಡುತ್ತಿದ್ದಾರೆ. ನಗರದಲ್ಲಿ ಪದವಿ ಕಾಲೇಜು ಇಲ್ಲದ ಕಾರಣ ದೂರದ ತಾಲೂಕು ಕೇಂದ್ರ ಹೊಸನಗರ, ಸಾಗರ, ತೀರ್ಥಹಳ್ಳಿಗೆ ಧಾವಿಸಬೇಕಾದ ಅನಿವಾರ್ಯತೆ ಇದೆ.  ಇದಕ್ಕೆ ಒಗ್ಗದ ಬಡ ವಿದ್ಯಾರ್ಥಿಗಳು ಶಿಕ್ಷಣದಿಂದಲೇ ವಂಚಿತರಾಗಬೇಕಾಗಿ ಬಂದಿದೆ. ಮುಳುಗಡೆಯಿಂದ ತತ್ತರಿಸಿ ಹೋಗಿರುವ ನಗರ ಹೋಬಳಿಗೆ ಪದವಿ ಕಾಲೇಜು ಆರಂಭಕ್ಕೆ ವಿದ್ಯಾರ್ಥಿಗಳಿಗೆ ಕೊರತೆ ಇಲ್ಲ. ಕಾಲೇಜು ಇರದ ಕಾರಣ ಬೇರೆಡೆ ಹೋಗುತ್ತಿರುವ ವಿದ್ಯಾರ್ಥಿಗಳು ಇಲ್ಲೆ ಆರಂಭವಾದರೆ ಹೆಚ್ಚಿನ ಉಪಯೋಗ ಪಡುತ್ತಾರೆ ಎಂದು ಅಧಿಕಾರಿಗಳಿಗೆ ಸ್ಥಳೀಯರು ಮನವರಿಕೆ ಮಾಡಿದರು.
ಆರಂಭಿಕ ಕಟ್ಟಡ:
ಕಾಲೇಜು ಆರಂಭಕ್ಕೆ ತುತರ್ು ಕಟ್ಟಡ ಅವಶ್ಯಕತೆ ಇದ್ದರೆ ಬಂಡಿಮಠದಲ್ಲಿ ಈ ಹಿಂದೆ ಸಕರ್ಾರಿ ಶಾಲೆ ನಡೆಯುತ್ತಿದ್ದ  ಸುವ್ಯಸ್ಥಿತ ಕಟ್ಟಡ ಇದ್ದು ಕಾಲೇಜು ಆರಂಭಕ್ಕೆ ಯಾವುದೇ ತೊಂದರೆಯಾಗದು ಎಂದು ಗ್ರಾಪಂ ಅಧ್ಯಕ್ಷ ಸತೀಶ್ ಗೌಡ ಭರವಸೆ ನೀಡಿದರಲ್ಲದೆ ಕಟ್ಟಡಕ್ಕೆ ಅಭಿವೃದ್ಧಿ ಅಗತ್ಯವಿದ್ದರೆ ಗ್ರಾಪಂನಿಂದ ಮಾಡಿಕೊಡಲಾಗುವುದು ಎಂದರು. ನಂತರ ಬಂಡಿಮಠಕ್ಕೆ ತೆರಳಿ ಕಟ್ಟಡವನ್ನು ಪರಿಶೀಲಿಸಲಾಯಿತು.
ನಂತರ ಮಾತನಾಡಿದ ಅಧಿಕಾರಿಗಳ ತಂಡ ನೇತೃತ್ವ ವಹಿಸಿದ್ದ ಚಂದ್ರಶೇಖರ್, ಕಾಲೇಜು ಆರಂಭಕ್ಕೆ ಪೂರಕ ವಾತಾವರಣ ಇದ್ದು ಸಮರ್ಪಕ ವರದಿಯನ್ನು ಸಲ್ಲಿಸುವುದಾಗಿ ಸ್ಥಳೀಯರಿಗೆ ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಜಿಪಂ ಸದಸ್ಯೆ ಶುಭಾಕೃಷ್ಣಮೂರ್ತಿ,  ಗ್ರಾಪಂ ಸದಸ್ಯ ನಾರಾಯಣ ಕಾಮತ್,  ಪ್ರಮುಖರಾದ ಕೆ.ವಿ.ಕೃಷ್ಣಮೂರ್ತಿ,  ಕೆ.ಪಿ.ನಾರಾಯಣಮೂರ್ತಿ, ದೇವಂಗಂಗೆ ಚಂದ್ರಶೇಖರಶೆಟ್ಟಿ,  ಎಸ್.ಪಕೀರಪ್ಪ,  ಡಾ.ಚೈತನ್ಯ,  ಕೆಸರಮನೆ ಮಧು, ವಡ್ಡಿನಬೈಲು ಸುಬ್ರಹ್ಮಣ್ಯ, ನೂಲಿಗ್ಗೇರಿ ಅಬ್ಬಾಸ್,  ಚಿಕ್ಕಪೇಟೆ ಚಂದ್ರಶೇಖರ್ ಶೆಟ್ಟಿ, ಅಡಗೋಡಿ ಶ್ರೀಧರಶೆಟ್ಟಿ, ವಸುಧಾ, ಅಧಿಕಾರಿಗಳಾದ ನಳೀನ್ ಚಂದ್ರ, ಈಶ್ವರಪ್ಪ, ರಾಮಚಂದ್ರನಾಯ್ಕ ಮತ್ತಿತರರು ಹಾಜರಿದ್ದರು.